WILLEMSTAD. - Algun siman tras di lomba, un palu di palma grandi a kai riba un outo dilanti di Katedral na Pietermaai. Esaki a kousa un daño material konsiderabel pa e doño di outo. Kuerpo di Bombero a kòrta e palu na pida pida, di manera ku kran por a bai ku e outo i tambe kita e palu ku tabata duars riba kaya. Sinembargo, awe ainda e pida pida palunan ta na e mesun sitio ku a kòrta i laga nan. Kisas ta un atrakshon turístiko?