Willemstad.- No opstante ku outoridatnan gubernamental a keda aserka fo'i komienso di ougùstùs pa atendé ku bankinan kibra riba Cas Coraweg net dilanti di Radulphus College, te ku awe e situashon a keda mesun kos. Un di e bankinan ta parsialmente kibra, miéntras e otro ta kompletamente destruí. No ta komprendibel kua ta e motibu ku no a pasa kue e bankinan kibra ainda i ala bes pone dos nobo. Extra ta spera ku e departamento di Obranan Públiko lo atendé e asuntu aki mas pronto posibel.