WILLEMSTAD.- E kontròlnan di e wikènt aki ya a kuminsá for di djárason último.
E tim multidisiplinario a sali kaya anochi, i a bai kontrolá na sitionan kaminda hende ta para aglomerá, bebe i sosialisá ku otro.

A kontrolá 9 establesimentu den área di: Kaya Puresa, Montaña Rey, Fuik, Sint Thomas, Weto, Sta. Rosaweg, Anjelierweg i Kaminda Seru Waterloo.

Di e establesimentunan aki 4 tabata na òrdu i 5 a risibí prosèsverbal pa diferente infrakshon.

E.o tabatin vários hende sin tapaboka i tambe tabatin algun sitio ku e músika tabata demasiado duru.

Ayera e kontròlnan a kontinuá, i lo kontinuá pa restu di e wikènt tambe.

Manera outoridatnan a indiká anteriormente i a hasi tambe durante wikènt tras di lomba, lo efektuá kontròl 0 toleransia.