WILLEMSTAD.- Den wikènt último a hala nos atenshon un informe ku Famia Plania a pone riba nan página di facebook. E informe ta indiká dje kantidat di kasnan di prostitushon ku tin riba nos isla i ta yená ku “trago meisjes”.

E informe ta bisa lo siguiente: ‘Segun sifranan di Famia Plania, na Kòrsou tin por lo ménos 200 kas di prostitushon, kaminda alrededor di 2500 asina yamá ‘trago meisjes’ ta traha. Sifranan alarmante riba un isla chikitu’.

E informe aki sigur ta hala atenshon, pasobra manera ta konosí ta un kas di prostitushon legal tin na Kòrsou, i kaminda ta ehersé kontròl riba e damanan di plaser. Si tin asina tantu dje sitionan aki, nan ta ilegal i tur konsekuensia ku esaki por tin pa spesialmente e sekso maskulino ku ta bishitá nan i tin biaha no ta usa protekshon.

Mas aleu e informe ta bisa ku diariamente trahadónan di Famia Plania ta sali riba kaya pa parti antikonseptivo na e damitanan aki esta e “trago meisjes” nan, i duna informashon riba e servisionan di kontròl ku Famia Plania ta ofresé gratuitamente.

Djabièrnè nochi dia 6 di aprel, algun miembro di bestür di Famia Plania a subi kaya pa nan mes mira e trabou duru ku e ‘trahadónan’ ta ehersé tur dia.

...E makutu yená ku informashon...