WILLEMSTAD.-Manera EXTRA a informá den edishon di awe mainta, e akshon di trahadónan di duana a kontinuá awe mainta. Trahadónan tabata presente si na e edifisio na Nieuwe Haven i para pafó riba e trapi a skucha dirigente sindikal di Straf sr. Lourens.

Un ratu pasa e dirigente sindikal a splika e trahadónan ku mester eskala e akshon debí ku for di ayera, ku e akshon a kuminsá, e titular di finansa ku ta responsabel pa duana, no ta duna oido na pregunta e.o di maneho di duana riba preguntanan importante di e trahadónan.

Ta konsiderá esaki falta di rèspèt pa e kuerpo. Banda di e falta di rèspèt e minister Silvania tin tempu si pa manda mail pa maneho di Duana pa duna instrukshon pa praktiká ‘no work, no pay’. Esaki ta motibu pa eskala i esei ta nifiká ku ta bai sera tur ardu ku tin di aber ku komersio di Kòrsou. Mas detaye den edishon di EXTRA.