WILLEMSTAD.- Ambulans a keda dirigí ayera atardi pa Roodeweg nèt na altura di hospital CMC pa asina duna asistensia na un aksidente di outo ku a surgi.

Na nan yegada na e sitio a komprond’é for di e dama shofùr ku nèt e tabata parker pa asina por bai hasi un bishita na hospital, nèt na momentu ku un vehíkulo tabata aserka riba velosidat haltu. E dama shofùr a spanta i a aksidentá kontra di un otro vehíkulo ku tabata stashoná.

Ambulans a presentá na e sitio pero komo ku no tabata nada di gravedat a laga e dama bai departamentu di emergensia di CMC riba rolstul kompaña pa un familiar. Polis i ForenSys tabata na e sitio i a atendé ku registrashon di e aksidente.