WILLEMSTAD.- Ayera atardi outoridatnan a keda dirigí ku urgensia pa Sittardstraat pa asina atendé ku un kaso di hinkamentu ku a tuma lugá.
Na nan yegada na e sitio a komprondé for di testigunan ku algun ratu promé shofùr di un di e vehíkulonan pa motibunan deskonosí, a kore i bai dal parti patras di un otro vehíkulo.
Shofùr di e vehíkulo a baha di un forma rabiá i a propiná e otro shofùr vários hinká.
Personanan den e área ku a presensiá e akto aki a hiba e víktima na departamento di emergensia di CMC den un vehíkulo partikular.
E sospechoso mes a bandoná e sitio despues di su akto.
Polisnan a sera e área i a kuminsá hasi e investigashonnan nesesario.