WILLEMSTAD.-Un ratu pasá dos vehíkulo grandi a dal riba Rooseveltweg. E dalmentu aki a hala basta atenshon konsiderando ku ta dos trùk grandi, unu di Selikor i e otro di kompania di limonada Curaçao Beverage Bottling Company.

Informashon ku EXTRA a kompilá na e sitio ta indiká ku Selikor tabata kue sushi riba Rooseveltweg na altura di Green House. Un di e truknan a hasi U-turn sin ku a ripara ku e otro ta yegando ku konsekuensia ku nan a dal basta fuerte. Ambos trùk tabata karga, loke tambe tin su influensia riba e impakto. Afortunadamente niun hende no a resultá herida, pero si a opta pa nan bai nan dòkter di kas pa hasi chekeo.  E daño material ta konsiderabel.