WILLEMSTAD – Un aksidente di tráfiko ku resultado fatal a tuma lugá awe en oranan di mèrdia na Mahaai nèt promé ku e lusnan di tráfiko. E Aksidente tabatin dos outo  envolví. Segun informashon preliminar, despues di e aksidente un di e outomobilistanan a sufri un herida grave na su garganta. E sirkunstansianan eksakto di loke a sosodé ainda no ta kla.

Un ambulans a presentá na e sitio pa atendé pero segun promé informashon no por a hasi anda mas. Polis tin e área sera pa por realisá investigashon i determiná kiko eksaktamente a sosodé, tantu durante e aksidente komo despues.

Te na e momentu aki no tin mas informashon ofisial disponibel tokante identidat di e víktima ni e sirkunstansianan ku a kondusí na e situashon lamentabel aki.

EXTRA ta sigui e investigashon i lo aktualisá e informashon asina ku mas detaye bira disponibel.