WILLEMSTAD.- Ayera den oranan di anochi lat un shofùr ku tabata koriendo riba Schottegatweg Oost den direkshon di Biesheuvel, probablemente riba un velosidat haltu, dado momentu a pèrdè kontròl i bai dal kontra piedranan kantu di kaminda. Dor di e impakto e shofùr a keda atrapá den su vehíkulo. Dado momentu asta a pensa ku e lo a pèrdè su bida teniendo kuenta kon grave su situashon tabata. Pero na yegada di ambulans i durante e promé ousilio nan a bin detektá ku e tabatin pòls. Un dama okupante a sufri leshonnan di ménos gravedat. Personal di Brantwer mester a akudí na e sitio pa kòrta e outo pa por a saka e shofùr.