WILLEMSTAD.- Un ratu pasa a kaba di tuma lugá un aksidente ku bastante daño material riba A.A. De Lannoy Willems Blvd. Ser'i Domi.
Un trèker bayendo direkshon Punda, pa motibu deskonosí, a pèrdè kontrol dal kontra di vangrail di forma violento.

E impakto a kousa bastante destrukshon i a asta basha un palu di lus abou. E palu di lus aki a kai riba e otro banda di kaminda nèt na momento ku un outo tabata bayendo direkshon di Nijlweg. Esaki a pone ku e outo aki tambe a dal kontra di e palu di lus. Te kaminda EXTRA ta na altura niun persona no a resultá gravemente herida. E kaso ta bou di investigashon.