WILLEMSTAD.- Ayera durante di oranan di mainta dos shofùr moviendo riba Helmin Magno Wiels Boulevard a haña nan mes envolví den un aksidente ku hopi daño material.
Na e sitio por a komprondé un di e vehíkulonan lo mester a traha un mal trabou i a bai dal den un otro vehíkulo. Esaki na su turno a pèrdè kontròl i bai dal den un palu kantu di kaminda.
No tabatin persona ku a resultá heridá, pero si hopi daño a keda registrá na ámbos vehíkulo.
Kran a presentá na e sitio i a bai ku e vehíkulonan for di e sitio, miéntras ku Forensys a atendé ku e parti di registrashon pa demas investigashon.