WILLEMSTAD.-  Awe mainta tempran sentral di polis a haña nofitikashon di un aksidente serio ku a tuma lugá na Montana, na altura di hòfi Sterke Yerke banda di e oloshi. Segun informashonnan risibí na e sitio, un outo, supuestamente un vehíkulo di marka Ford, lo mester a sali dilanti di un dama shofùr koriendo un outo di famia Hyundai kolo shinishi.

Posiblemente a traha un mal trabou i pone ku e dama shofùr den e outo shinishi a pèrdè kontrol i bai dal den e kura di Sterke Yerke. Brantwer a duna asistensia ku nan ekiponan speshal pa kòrta e outo i asina logra saka e dama shofùr for di e situashon fèrfelu, miéntras ku ambulans a transportá e dama pa Poli pa tratamentu.