WILLEMSTAD.- Aksidentenan di fin di aña 2018 i komienso di 2019 a baha bastante. Esaki ta loke ku bosero di Sehos sra. Raiza Kibbelaar a duna di konosé na prensa. El a indiká ku aña 2019 a habri relativamente trankil na departamento di emergensia di Poli.

E kantidat di aksidentenan i kasonan di herida ku vürwèrk, kompará ku aña pasa, esaki ta hopi ménos.

Un rekuento for di 24 desèmber 2018 te 1 yanüari 2019, te ainda 4 persona a mèldu na departamento di emergensia ku dañonan relativamente leve. Niun hende meter a keda interná, pasobra tur hende a bai kas despues di tratamentu. E persona mas hóben ku a keda heridá ku vürwèrk ta di 8 aña, i esun di mas grandi ta di 19 aña. Si kompará e resultado aki ku aña pasa, esun mas yòn tabatin 8 aña i mas grandi ta 63 anda. Si kompará edatnan di esnan ku a presentá pa haña yudansa pa herida ta mas yòn, segun Kibbelaar.

E heridonan ku tabatin ku vürwèrk te ainda ta un na wowo, kara i dos na man. Sobrá herida na otro parti di kurpa di vürwèrk no a registrá te ainda.

Pa loke ta trata aksidente ku outo, tabatin 14 aksidente di outo ku hendenan a bai na departamento di emergensia. Dje kantidat aki, 5 interná sobra a bai kas, 13 ku outo i 1 aksidente ku ku bròmer.

Tambe a registrá otro aksidentenan manera 1 hende a drenta ku tabatin herida di arma di kandela, un hende ku a keda hinká i kuater kaso di maltrato. Tur aña ta kasi mesun registrashon ku leshonnan. Pero segun resúmen e kasonan di vürwèrk i aksidente outo ta bahando. E kambio di aña a keda unu hopi trankil kompará ku añanan anterior.