WILLEMSTAD - Ta bon señal pa nos ekonomia i na Bullenbaai en partikular. Refineria di Kòrsou (RdK) na desèmber último, a firma un kontrato pa almasenahe di produktonan petrolero ku e kompania Mercuria Energy Trading SA. E kontrato pa almasenahe aki ta parti di RdK su esfuersonan pa usa Kòrsou su infrastruktura petrolero pa generá entrada. Djárason 14 di aprel 2021 e promé barku ku kargamentu ‘Largo Sun’ a yega Bullenbaai, p’asina almasená produktonan ku ta pertenesé na Mercuria Energy Trading SA. Den oranan di mardugá, personal di Curaçao Refinery Utilities (CRU) a kuminsá deskargá e barku. Riba e foto aki por haña prueba ku tin aktividat na Bullenbaai i ku esei ta un bon señal pa nos ekonomia.