WILLEMSTAD.- Direktiva di MFK i Minister Javier Silvania a yega na entendimentu mutuo, pa asina trese trankilidat serka pueblo di Korsou, pero tambe duna espasio na e investigashon ku ta tumando lugá.
Entrante awe 15 di òktober Javier Silvania a entrega su retiru komo Minister di finansa i salubridat.
Direktiva di MFK ta gradesido pa e trabou ku Minister Silvania a ehekutá komo minister di finansa i salubridat.
Miembro di Parlamento sr. Tyron Boekhoudt lo entrega su retiru pa asina krea espasio pa Javier Silvania por drenta Parlamento i forma parti integral di e frakshon di MFK. Ku e komunikado aki ta klousura un etapa i partidonan lo no duna mas deklarashon den prensa.
E deklarashon di direktiva di MFK ta bini algun ratu despues ku minister Silvania a entrega su retiro na gobernadó un ratu pasa.