E finalistanan pa 2019 ‘Gold Glove Award’ a keda anunsiá un ratu pasa. Mesora ta di atenshon ku dos di nos pelotero profeshonal, Andrelton Simmons i Ozzie Albies a keda selektá den e grupo elitario pa e prestigioso premio. Simmons komo shortstop den Liga Amerikana ta finalista huntu ku Marcus Semien di Oakland A’s i Francisco Lindor di Cleveland Indians. Miéntras ku Ozzie Albies su kompetensia na segunda base di Liga Nashonal ta ku Kolten Wong di St. Louis Cardinals i Adam Frazier di Pittsburgh Pirates. E premio aki te keda otorgá na kada pelotero ku e mihó wanta na nan respektivo posishon. Ganadornan di e premio lo keda anunsia dia 3 di november proksimo. Den edishon  di Extra mayan lo tin mas informashon.