WILLEMSTAD.- Awe tin un notisia ta bai rònt indikando ku departamento di estado merikano ta alerta merikanonan i turistanan ku ta sea biba òf ta bishita e islanan di Kòrsou, Aruba i Boneiru i tambe Kosta nort di Colombia pa keda atento pa e situashon den e region aki. Esaki ta un notisia kompletamente falsu. Un Fake News. EXTRA a tuma kontakto ku konsulado merikano na Kòrsou i nan a konfirmá pa nos ku e notisia aki no ta kuadra ku bèrdat. Departamento di estado Merikano nunka lo manda un informashon i sigur no un alerta di e forma ei. Ademas no tin motibu pa un alerta asina, esei ta loke nos a komprondé di konsulado merikano. Un atvertensia na esnan ku kisas ta haña “leuk” pa tipo di mensahenan aki pa tene kuenta e daño ku ta hasi na nos pais.