WILLEMSTAD.-Un grupo di alrededor di 2000 boluntario a uni forsa awe riba dia di World Cleanup day, limpiando na vários parti di Kòrsou. Na okashon di e inisio di e dia awe mainta premier Pisas a yama danki na tur e boluntarionan ku ta yuda hasi Kòrsou limpi. El a bisa ku ministerio di GMN ta hasiendo hopi e.o na konsientisashon di komunidat pa no tira sushi afó, pero nan ta konsiente ku ta keda na kada siudadano si e ta duna oido na e yamada pa tene Kòrsou limpi.E trabounan di limpiesa a tuma lugá den diferente área rònt Kòrsou. Promé minister ta di opinion ku ta tur hende mester hasi esfuerso pa tene e isla aki limpi i tambe mantene limpi.