WILLEMSTAD.- Outoridatnan polisial na e momentu aki ta investigando un kaso bastante serio di bashamentu di bala den área di Libu riba un kas. E insidente aki a tuma lugá djadumingu mardugá. Segun nos por a mira e portrètnan, polis a konfiská alrededor di 47 hùls. Ora mira e kantidat di hùls ku a haña na e sitio, ta indikashon ku ta un arma outomátiko a ser usa den e kaso aki. Pues un arma bastante potente.  Tantu polis komo e departamento di KPC, TFO a presentá na e sitio pa investigashon i tambe a konfiská e hùls nan na e sitio. No tabatin hende ku a resultá herida.