WILLEMSTAD.- Den kuadro di e tarea ku alumnonan di klas 2 AGO a haña pa krea un proyekto pa nan ehekutá, algun alumno a bini ku e proposishon pa forma paketenan ku komestibel

pa yuda famianan den nesesidat. Nan a haña sosten di klas 1 AGO i e mèntòrnan enkuestion. Nan a kolektá komestibel serka alumno, dosente i famianan pa por a yega na un total di 17 pakete.

A pidi koperashon na algun organisashon pa e paketenan por yega na e famianan den nesesidat. E organisashonnan ta Fundashon Mangusa, sra. Gerda Osepa,

Fundashon Un Bon Hóben Pa Un Bon Famia, sr. Majron Maduro i Parokia Maria Auxiliadora serka Pastor Curtis Meris.

Tambe skol mes a pèrkurá pa algun pakete yega na personanan individual ku nos tabata na altura di dje.

Alumno i dosentenan ta hopi kontentu ku di e manera aki por a duna algu na famianan ku ta pasando tempunan fèrfelu den e periodo aki.

Esaki ta un forma práktiko ku dosentenan ke stimulá entre otro e balornan, empatia, koperashon, kompashon,

serka e alumnonan. E proyekto aki ta hasi nan konsiente ku komo siudadano ta importante  pa aportá na bienestar di bo pais.

Un danki inmenso di parti klas 1 i 2 di SKAIH AGO,  na tur alumno di VSBO/ AGO, dosente,

otro personanan i tv Direct ku a koperá ku e proyekto aki. Duna ta mas dushi ku risibí!

Na nòmber di e komunidat di SKAIH VSBO/AGO felis dianan di fiesta!