WILLEMSTAD.- Ayera algun alumno di SGO VSBO a haña un bista di e trabounan ku ta tuma lugá na EXTRA. E studiantenan a risibí informashon di entre otro e departamento di redakshon, aviso, atministrashon i digital. Nan a demostrá bastante interes dor di hasi vários pregunta na koleganan di e diferente departamentonan. Tambe nan a hasi un rekorido na Drukkerij De Stad pa di e manera ei tuma nota tambe di e mashinnan pa drùk e korant. Riba e kombinashon di foto, ku por sierto a keda saká pa e alumnonan Jhurmailis Albertoe i Koinonia Melfor, por haña un bista di e alumnonan den akshon.