Abitantenan St. Jago kontentu ku ayudo a yega:

WILLEMSTAD. - Den e siman aki, abitantenan sumamente preokupá a hasi un yamada dramátiko den EXTRA na outoridatnan konserní pa yudansa di un siudadano ku tabata biba den un situashon penoso i kasi no por deskribí.

Tabata un situashon ku un persona ku ta hopi malu i no tin dak tabata pasando aden.

Mester indiká ku djamars ambulans ku yudansa di kuerpo polisial a buska e siudadano ku tabata realmente hopi suak i ku tabata teme pa su bida.

A bai ku e siudadano pa e haña tratamentu p’asina e por ta bèk riba pia.

Abitantenan di St. Jago ta hopi agradesido ku a tende nan yamada pa yudansa di un siudadano.

...Riba e foto por mira ambulans ta bai ku e siudadano...