WILLEMSTAD – No tin kuestion di dia liber ni kuestion ku awe ta Bièrnèsantu, esnan ku ta laborá di un òf otro forma den sektor di salubridat i pa mas eksakto di un òf otro forma ku CMC ta man yen atrobe awe. Reportero di EXTRA ku for di den oranan di mainta tabata na CMC na e tènt di Covid por mira ambulans ta drenta sali ku pashèntnan kontagiá ku Covid. Fundashon di Ambulans den un video ku a bai viral ta hasi un yamamentu dramátiko pa hendenan keda kas. Por mira ku 4 ambulans na mes momentu riba ruta ku pashèntnan ku Covid ku mester keda transportá pa CMC. Tènt na CMC ta ku pashènt pa wak si mester keda interná na hospital pa mas yudansa avansá. Awe riba dia liber nada no a kambia, e situashon ta kritiko i situashon ta serio.