WILLEMSTAD.-Tur kos ta kla, aprobashon ta duná pa e kompania di aviashon merikano American Airlines kuminsá ku su buelonan entre Kòrsou i Merka. Ta bon pa enfatisá mesora ku ta reanudá vuelonan, pero solamente pa e siudatnan merikano ku ta mas safe. Esaki sigur ta un bon notisia pa ofisina di turismo di Kòrsou CTB komo ku Merka ta un destinashon importante pa turismo di Kòrsou, asina Hugo Clarinda di CTB a konfirmá pa EXTRA. E promé siman di desèmber próksimo por spera avionnan di American Airlines atrobe na Kòrsou.

(FILES) In this file photo An American airlines plane is seen at Dallas Ft Worth International Airport at the gate on August 23, 2020. - American Airlines on August 24, 2020 said it will be spraying its airplane interiors with a long-lasting product specifically designed to guard against the coronavirus as it tries to coax passengers back into flying. The Texas-based carrier said in a statement it will begin using SurfaceWise2, a newly approved anti-viral surface coating aimed specifically at killing the virus causing COVID-19. (Photo by Daniel SLIM / AFP)

Gobièrnu di Kòrsou a anunsiá entretantu ku a habri pa Merka, pero solamente pa e estadonan ku ta duna muestra di mas kontrol riba e pandemia di Covid. Florida ku ta un di e estadonan ku Kòrsou tin mas konekshon aéreo kuné ta entre esnan ku a habri. Pa sera mas spesífiko esnan ku a habri ta New York, New jersey, Connecticut i Florida.

Covid a kousa un impakto grandi rònt mundu i spesialmente riba aviashon. Rònt mundu kompanianan di aviashon a keda hopi luna sin move i meskos ta konta pa barkunan krusero. Tráfiko aéreo a kuminsá lanta kabes atrobe, pero ta importante pa hasi esaki ku e koutela nesesario. Meskos Kòrsou tambe ta habri poko poko i ku e koutela nesesario.