...EXTRA kier a pidi sr. Amparo Dos Santos pa por fabor baha for di nos lomba. EXTRA ta un korant responsabel, sin koló polítiko i ku a i ta duna oportunidat igual na tur polítiko riba nos isla, inklusivo sr. Dos Santos pa informá pueblo.

Pero a para bira ku ki ora ku sr. Dos Santos ke baha su frustrashon, e ta buska EXTRA pa e frega su kurpa. I e ta hasi esaki ku ekspreshonnan masha mahos ku no ta klòp pa un polítiko ku ke dirigí nos pais.

Kòrsou na e momentunan aki i na niun momentu so  mester e tipo di ekspreshonnan ku sr. Dos Santos ta trese dilanti. Nos pais ta pasando den momentunan sumamente fèrfelu i mester di hendenan ku por pensa sanamente pa hib’é dilanti.

I si ta un shou sr. Dos Santos ke forma pa e hala atenshon, e tin di buska un otro forma pa hasié i baha for di nos lomba un poko.

EXTRA ta un korant serio i sinsero pero “no pidi pa laman rabia”.