WILLEMSTAD.- Resientemente Minister di Salú, Medio Ambiente i Naturalesa dr. Dorothy Pietersz-Janga, a huramentá Anestesiólogo Raquel Rochard. Minister Pietersz-Janga ta enkargá ku huramentashon ofisial ku mandato di Gobernadó i señora Erseline Ramazan a atendé e parti protokolar. Di e forma akí e Anestesiólogo ku a huramentá a kumpli ku eksigensianan di nos leinan vigente pa e por ehersé su profeshon. Despues di e akto ofisial, Minister Pietersz-Janga a felisitá señora Rochard i a dese’é tur klase di éksito den su karera. Anestesiólogo Rochard akualmente ta laborá na Advent Hospital.