Eksperensia di un yu ku a pèrdè su mama ku COVID:

WILLEMSTAD. - Jean-Louis Margareta ku su rumannan siman pasá a haña e notisia ku nan mama señora Viola Rojer ta drumí den Kuido Intensivo aki na Kòrsou i ku no ta bayendo bon ku nan mama. Ku pániko den nan kurpa, nan a biaha pa Kòrsou pa nan por ta banda di nan mama. Djasabra anochi nan ta yega Kòrsou i e promé kos ku nan a hasi ta bèl hospital pa tende kon e situashon di nan mama ta.

Nan ta haña un persona Gerard Buitenhuis na liña apesar di e angustia ku nan tabata aden, Gerard a sa di trese trankilidat den nan.

Djadumingu mainta nan ta haña yamada di telefòn di hospital pa nan yega urgente, pa motibu ku salú di nan mama stimá no tabata bai bon.

Nan rumannan ta yega rápidamente na Hospital i e porta di Kuido Intensivo a habri nan dilanti i e loke ku nan a sinti ta ku ta porta di fièrnu a habri.

Tabata teribel loke ku nan tabata eksperensiando. Hopi sufrimentu tin den Kuido Intensivo, tur kaminda hende drumí na mashin di hala rosea.

Pero e loke ku nan por a opservá ta kon den e fièrnu ei tin Angelnan tabata kanando i ku esaki e yunan ta referí riba e personal di Kuidou Intensivo, kon duru tur ta traha pa kuida i skapa nan pashèntnan.

Un aspekto troumátiko pa e yunan i nan tata, tabata ku momentu ku nan ta na kama di nan mama ku tabata den su último oranan, e momentu ei personal di Kuido Intensivo tabata re-animando un otro pashènt pa tòg trata pa skapa e pashènt aki su bida.

Despues ku nan mama a fayesé, huntu ku Gerard a konsolá nan ku su forma i un hende ku ta hasi su trabou ku amor pa skapa bida di otro.

P’esei e yu Jean-Louis Margareta ta ekspresá su rèspèt pa e personal di Kuido Intensivo ku 24 ora pa dia ta bringa pa skapa bida. Nan gratitut ta bai partikularmente pa dr. Vanessa Brown i su kasá i tambe nan primu Roshendly Martina i tambe Gerard Buitenhuis.

Jean-Luis ta yama danki  na e tim kompleto ku nan trabou tremendo i apesar ku nan mama no a skapa, pero esei no ta pa falta di e kuido di e personal di Kuido Insentivo.