AMSTERDAM.- Informashon for di Ulanda ta indiká ku den un tiroteo ku a tuma lugá djasabra anochi na Amsterdam-Zuidoost, a likidá un hòmber di 33 aña di edat. Polis tambe ta indiká ku ta trata di un hòmber konosí pa polis i ku no ta deskartá ku esaki tabata un akshon plania. Polis ta indiká ku ta trata di e hòmber I.B ku ta biba na Amsterdam. Segun otro informashonnan, lo ta trata di un hòmber  di fam Balentien. E tiramentu a tuma lugá den e área di Kraaiennest.