WILLEMSTAD.- Den oranan di mardugá antisosial(nan) a basha zeta i sushi den Pisina Enith Brigitha na SDK. Banda di e kontaminá e awa, e antisosialnan aki a kousa destrukshon na un parti di e waya di e muraya, kibra borchi nòmber di e pisina i benta esaki den awa.

Mirando ku e awa ta kontaminá, mester 'drain' esaki i pone awa fresku. Tambe mester bai wak te kon leu e zeta a afektá e sistema di filtrashon (pomp). Segun a kompronde menshon a keda hasí ku e zeta a djèm e motornan.

E pisina a pasa den un proseso di renovashon ku a dura basta largu i konsekuentemente a perhudiká deportenan akuatiko ku hóbennan ta práktika. Ta p'esei no por komprendé kon por tin personanan den nos komunidat ku ta yega dje leu aki pa komete e tipo di aktonan aki.

E kaso ta bou di investigashon.

Po