WILLEMSTAD.- Outoridat di Aviashon Sivil di Kòrsou huntu ku Havenmeester ta hasi un apelashon serio na tur usuario di drones pa no bula drones den área di Hato Airport, durante e aktividatnan di Festival Hak’e riba dianan 30 di yüni 2023 i 1 di yüli 2023.

E motibu di e medida aki ta pa garantisá seguridat di trafiko di avionnan ku ta usando nos aeropuerto, i tur persona ku lo bishitá e aktividat aki, mirando ku lo tin basta artista konosí ku lo presentá. Un ‘drone’ por eksperensiá un mal funshonamentu i kai den públiko. Ta antisipá ku tin un kantidat grandi di persona ta bishita e aktividatnan i e peliger tei ku si, pa un òf otro motibu e ‘drone’ kai, e por kousa daño na hende i material.

Tur esaki ta pa garantisa seguridat di aviashon i seguridat di esnan ku ta bishitá e gran evento di Festival di Hak’é Curaçao 2023.