WILLEMSTAD- Awe a tuma lugá apertura di aña parlamentario 2019-2020. Esaki a sosodé durante di un reunion solèm, ku e tradishon di un presentashon di kuerponan uniformá na altura di Wilhelminaplein miéntras su ekselensia gobernador di Korsou i su komitiva ta yega palasio di hustisia, unda tambe tin e sala prinsipal di Parlamento di Korsou.

Den un diskurso elokuente gobernador sra.Lucille George-Wout presentá e deklarashon di gobièrnu di Korsou. ‘Tur hende mester prepará pa e proseso di kambio ku mester tuma lugá na bienestar di Korsou kompletu. Awor mas ku nunka Korsou ta konta ku nos tur”.