WILLEMSTAD.- Un bon Públiko a disfrutá di e tremendo show den kuadro di apertura di Karnaval 2019, organisá pa fundashon JAG. Agrupashonnan lokal manera Vega, Icons by Gio i Gentz a deleitá e Públiko i finalmente e agrupashon Kassav ta esun ku a sera e show ku un tremendo presentashon. E bandanan lokal a prepará bon i asina a duna e Públiko presente bon animashon. Kassav a selebrá 40 aña, presentando piesanan ku for di dékada 80 nos a konosé i te awe nan a sigui zona mesun bon.