Djaluna 12 di desèmber 2016 miembronan di Parlamento a asistí na apertura di e proyekto di generosidat “Paranda di Pasku den Punda i Otrobanda ” di VSO-ZMLK Mariëta Alberto na Parke Wilhelmina. VSO-ZMLK Mariëta Alberto ta un skol avansá pa nos hóbennan spesial ku un desabilidat intelektual, físiko o múltiple. Alumnonan di Mariëta Alberto a prepará un programa varia di baile, kanto ku instrumèntnan tradishonal i di materialnan resiklá di kual nan a presentá na e públiko presente. Na final di e presentashon diferente miembronan di Parlamento a interkambiá palabra ku e alumnonan, personal i voluntarionan, yamando nan danki pa e bunita presentashon.