WILLEMSTAD. - Aqualectra ta konfrontando problema pa motibu ku no tin bientu pa por tin sufisiente kapasidat di koriente.

Banda di esei un mashin na Mundu Nobo di 20 MW tambe ta for di operashon for di siman pasá.

Apesar ku a buska e kapasidat èkstra (10MW) di “generator”, esaki no ta sufisiente ora mas mashin kai afó. E èkstra kapasidat sigur ta yuda evitá ku mas aria lo a keda sin koriente.

Miéntrastantu den oranan lat di atardi e planta di CRU a logra subi ku su kapasidat ku a yuda Aqualectra pa duna e último arianan koriente atrobe.

Aqualectra ta lamentá e situashon di imprevisto di koriente ku a surgi i ta hasiendo tur esfuerso pa aliviá esaki p'esei ta apresiá e komprenshon debí ku e kompania ta den un periodo di transishon pa bin ku kambionan grandi na bienestar di e kliente.

“Ban Kana ku Nos pa yega na e Aqualectra di Futuro”, e komunikado a finalisá.