Awe den dia lo tin ménos nubia ku wer por lo generalmente seku.

Temperatura máksimo lo alkansá 33 ºC, i temperatura mínimo di 24 ºC.

Bientu lo supla di diferente direkshon i suak te moderá; forsa 2 pa 3 (7 pa 19 km/ora, 4 pa 10 nudo). Prinsipalmente den áwaseru, ráfaga te basta fuerte; forsa 4 te 5 (20 te 39 km/ora, 11 te 21 nudo). Den anochi, temporalmente mas kalmu.

Kondishon di laman ta ketu te trankil ku altura di ola serka di 0.5 meter (2 pia). Den áwaseru fuerte, esakinan por bira mas haltu, te 1.5 meter (3 pa 5 pia).

Perspektiva te djárason atardi: Shelu lo ta tiki te hopi nublá i un bes mas tin posibilidat pa áwaseru ku bos i welek den anochi i mardugá.

Situashon general: Tormenta Tropikal Karen a suak i bira un Depreshon Tropikal riba e parti nort-oriental di Laman Karibe, aserkando e region di Puerto Rico i islanan bírgen estadounidense. No opstante ku e siklon tropikal aki awor ta na un distansia basta alehá di nos isla, esaki ainda ta sigui afektá e fluho di bientu i wer den nos área. Bientu lo keda un poko suak pa e promé parti di e siman di trabou, di manera ku e sintimentu di kalor lo kontinuá. Tambe ta persistí e posibilidat pa desaroyo di nubianan kapas pa produsí áwaseru.

Solo ta sali 06:25 i ta baha 18:31 o.l

Sistemanan signifikante di wer tropikal: Tormenta tropikal Karen, awor un Depreshon Tropikal situá riba Laman Karibe oriental, ta sigui move poko poko den direkshon nort. Tormenta Tropikal Jerry ta sigui sin muchu kambio riba laman habrí di Atlántiko.

Tormenta Tropikal Lorenzo situá riba e sekshon ekstremo ost di Atlántiko Tropikal ta sigui krese den forsa, miéntras e ta sigui move di ost pa wèst. Ningun di e sistemanan tropikal aki ta un menasá direkto pa Kòrsou.

E pronóstiko di tempu pa Kòrsou i bisindario ta bálido te djamars atardi 6 or.