WILLEMSTAD. - Despues di a konstatá ku tin iregularidat ku uso di koriente na un kas den Juan Domingo, funshonarionan di Aqualectra a bai na e kas pa investigá un ke otro. Konforme nos fuente t’asina ku e faktura di e kas pa loke ta uso di koriente ta bin muchu abou i no ta kuadra ku niun klase di realidat. Esaki a pone ku a bai investigá ounke otro i a konstatá ku en bèrdat tin ladronisia di koriente. Pa loke ta trata awa, tur kos tabata na òrdu. Aqualectra den e dianan aki tin bista riba algun adrès ku denter korto lo haña bishita pa chèk un ke otro. E kasonan di ladronisia di awa i koriente ta kresiendo, sigur den e último dos pa tres añanan aki, mas i mas ta tuma nota ku e “verlies” ta muchu grandi.