WILLEMSTAD.- Aqualectra a tuma nota ku tin algun rumor tokante suministro di koriente pa awe nochi. Ku awe nochi koriente lo kai afó i ku pueblo mester prepará generator etc. Aqualectra mesora ke refutá e rumornan aki ku apsolutamente NO ta kuadra ku bèrdat.
Pa medio di e partisipashon aki Aqualectra ke trese un trankilidat den komunidat tokante suministro di awa i koriente.
Aqualectra ta lamentá ku atrobe ta lanta e tipo di “fake newsnan aki pa trese pániko sin tin mester.
Aqualectra ta bolbe desmentí e rumornan i no mester tin niun sorto di preokupashon tokante suministro di awa i koriente.