WILLEMSTAD. - Ultimo dianan por a tuma nota ku Aqualectra mester a apliká e sistema di skakel atrobe espesialmente durante di oranan di mèrdia. Manera Aqualectra a bin ta informá, tin algun mashin for di servisio aktualmente, ku huntu ta monta un kapasidat total di 20 MW. E 20 MW aki ta mas o ménos 12% di loke e demanda ta. Por bisa ku e kapasidat aki ku no ta disponibel aki, ta nèt e kapasidat di reserva ku mester tin pa kumpli ku un demanda konfiabel. Esaki ta pone ku Aqualectra, mirando e kalor di último dia, ku ta pone e demanda subi, ta denominá e situashon di koriente krítiko.  Aqualectra enbista di esaki ta trahando duru riba solushonnan temporal pero na mes momentu a inisiá proseso pa bin ku solushon struktural i duradero.  Aqualectra ke pidi komprenshon pa e situashon i koperashon di tur hende pa usa koriente na un forma responsabel.

Relato amplio kon Aqualectra ta trahando riba solushon temporal i struktural, den Extra di mainta.