WILLEMSTAD.- Duaneronan atento a deskubrí un araña grandi. E tabata den kònteiner di outo importá. E duanero a avisá Stanley Ignacio ku a bai kue  e araña. A entreg’é na Gisette Seferina pa por hasi e investigashon mas aleu,

EXTRA a komprondé ku no ta trata di un araña venenoso. E ta probablemente un ‘huntsman spider’ (Family: Sparassidae; Heteropoda venatoria), i e ta impreshonante pero no peligroso.

Hopi bia tipo di araña i tambe otro insektonan ta drenta nos isla pa medio di produktonan importá. Manera mata, tera i den e kaso aki kònteiner. Asina nos por tuma nota tin bia di bestianan no konosí riba nos isla, pero ku ta debí na deskuido i poko kontrol for di eksterior nan ta drenta Kòrsou. Den e kaso aki a pone man mesora riba e araña.