WILLEMSTAD  –  Entrante djárason 12 di mei 2021, Archivo Nashonal di Kòrsou na Scharlooweg 77-79 ta habri su sala di estudio pa tur siudadano bèk. Esaki den forma adaptá.

Ministerio di Gobernashon, Planifikashon i Servisio Públiko ta informá ku Archivo Nashonal ta kuminsá risibí bishitantenan konforme medidanan kontra di posibel infekshon di COVID-19. Tur kliente ku ke hasi Archivo Nashonal un bishita pa interes òf investigashon por hasi esaki via di sita. E sita mester bai via telefòn òf via di email. Por yama na 461-4866 òf manda un e-mail na: nationaal.archief@gobiernu.cw.

(Foto Archivo)