WILLEMSTAD.- Ministerio Públiko a bin ku un areglo di pago spesial pa personanan ku tin un but habri.

Bo ta bai ku fakansi afó i bo tin but(nan) habrí? Esaki ta bo chèns pa drenta un areglo di pago ku e posibilidat di paga den término i bo por bai rilèks sin strès.

E areglo ta enserá ku pa e promé luna bo ta paga 25,- florin i sobrá por paga den término mensual den un máksimo di 18 luna. E oferta ta bálido di 25 di aprel te ku 11 di yüni 2022. Pues nèt promé ku fakansi grandi. Pasa na ofisina di Paga bo But ku un karchi di identifikashon pa hasi bo areglo di pago i bo promé pago di NAF 25,-. Atenshon: no ta aseptá plaka kèsh, por paga solamente ku karchi di swaip. Tene na kuenta ku lo tin kòntròl di butnan habrí na aeropuerto pero no por hasi areglo di pago.

Ofisina di Paga Bo But ta situá na Waaigat, p’ariba di ofisina di Curoil riba Abraham Chumaceiro Bulevar 11. Por hasi pago tambe online via bo banko riba kuenta di MCB 23329801.

Ministerio Públiko ta konsehá kada persona ku tin but habrí, pasa paga e transakshon promé ku e kaso bai Korte i evitá ku e but ta subi. Sigui nos tambe riba Facebook: Paga bo But. Por haña mas informashon via Whatsapp: +59994342120 òf +59994342146.