ORANJESTAD.- Arkeólogonan na St. Eustatius a deskubrí un santana di siglo 18.
Ta sospechá ku lo ta trata aki di un santana kaminda tabata dera katibu òf katibunan ku a bai liber. E santana ta keda banda di e ántes plantashi, Golden Rock.
A deskubrí 12 skelèt, pero aparentemente lo tin mas. A haña vários restu di kahanan di morto i otro artefaktonan ku tabata dera e hendenan kuné tambe. A pone un kolaborashon ku vários universidat na tur parti di mundu p’asina por analisá loke ku a ser hañá. Esaki ta pa sa mas di e hendenan ku a keda derá.