WILLEMSTAD.- Na aña 2015 e kompania di aviashon Aruba Airlines a kuminsá ku su operashonnan entre Aruba i Kòrsou. Esaki despues di a sinti e nesesidat pa mas “Airlift” entre e islanan aki. E tempu ei a kuminsá e buelonan hasiendo uso di e avion tipo Airbus 320 ku tin un kapasidat di sigur 150 pasahero pa tanten. Despues di esaki na aña 2016 e nesesidat i petishon a bira muchu mas grandi pa buelonan entre Aruba i Kòrsou.

E momentu ei a kuminsá ku 2 buelo diario hasiendo uso di e avion Dash 8300 ku tin ménos kapasidat. Esaki debí ku e avion Airbus 320 no ta fábrika pa bula buelonan kòrtiku. Despues di esei e petishon a bira muchu mas grandi i ayera durante di un Konferensia di prensa representante/direktor di Aruba Airlines sr. Francisco Arendsz a anunsiá ku aparte di tur e otro rutanan ku Aruba Airlines ta bula kuminsando otro siman lo kuminsá bula dos buelo mas pa siman.

Esakinan riba Djamars i Djaweps mèrdia.

Tambe Sr. Arendsz a indiká ku ta spera pa otro siman nan avion prinsipal lo keda kla despues ku esaki a terminá e chekeonan nesesario i a bai un otro kaminda ku lo sòru pa pega e stekernan ofisial ku logo di e kompania ariba. E avion prinsipal lo ta CRJ-200 (Bombardier).

Esaki ta un avion spesial traha pa buelonan kòrtiku i mediano i por tin un kapasidat di te ku 50 persona. Na momentu ku e avion aki kuminsá operá. Esun aktual lo keda komo unu di reserva.