ORANJESTAD.- Un ratu pasá Atrako Tim a tene un entrada hudisial na un den De Vuyst i a detené 2 sospechoso. Ta trata aki di un hòmber di inisial A.A.B. di 24 aña i un hende muhé di inisial J.M.R. di 22 aña.

Kuerpo polisial di Aruba ta informá ku e detenshonnan i entrada hudisial na e adrès menshoná ta relashoná ku kasonan di atrako ku a tuma lugá resientemente. Den e kasonan di atrako e sospechosonan tabata bon armá i komo tal outoridatnan no a basilá i a bai ku tim di aresto pa detené e sospechosonan.

Kuerpo Polisial di Aruba ta yama komunidat di Aruba danki pa nan koperashon i asina kontribuí ku polis. Tur informashon ta importante i p’esei polis ta urgí tur hende pa yama e liña 11141 na momento ku tuma nota di kasonan kontra lei.