No ta sera frontera ku Kòrsou i Boneiru

ORANJESTAD/WILLEMSTAD.-Den un karta di Departamentu di Aviashon Sivil di Aruba ta informá tur kompania di aviashon i otronan ku ta trafiká entre Aruba, Boneiru i Kòrsou ku a bini kambio den e desishon anterior di 9 di yüli 2020.

Aruba su direktorado ta indiká ku konsiderando ku “travel bubble” entre islanan ABC no ta eksistí mas i mirando e kantidat di kasonan di Covid ku ta oumentando na Aruba, a tuma desishon ku ta eliminá e eksepshon di test i seguro di Covid u tabata eksistí pa habitantenan di Kòrsou i Boneiru. Esaki ta drenta na vigor entrante 31 di ougùstùs, esta djaluna awor. Esaki no ta enserá ku ta sera frontera entre Aruba i e islanan Kòrsou i Boneiru. Mas detaye den edishon di EXTRA.