Meta di Jacek Olczak CEO nobo di Philip Morris International

WILLEMSTAD. - Philip Morris International (PMI) a apuntá Jacek Olczak Chief Executive Officer, afirmando asina su kompromiso pa un futuro kaminda ku sigaria lo keda remplasá pa mihó alternativa sientífkamente sostené.

Aseptando su nombramentu Olczak ta komprometé su mes pa aselerá e trayekto di transformashon anunsiá na 2016, pa yega na un kompania liber di huma. PMI ta focus riba desaroyonan sientífiko sostenibel i den un forma responsabel pa komersialisá e produkto liber di huma ku ta ménos dañino, ku e meta pa remplasá sigaria mas pronto posibel.

Olczak a trese dilanti ku entusiasmo e lo dirigí PMI miéntras ta aselerando e kompania su transformashon den un kompania liber di huma. PMI ta e industria lider den inovashon sientífiko i nan ambishon ta pa mas ku mitar di e kompania su ingreso lo bin di e produktonan liber di huma den aña 2025.

E kompania lo sigui dependé den nan investigashonnan sientífiko, usando nan habilidat kolektivo i imaginashon pa sigui inová riba nan portafolio i eksplorá áreanan nobo den desaroyo di e kompania.

E kompania tin konfiansa den  Olczak ku a kuminsá ku nan for di aña 1993 i asina a okupá puestonan importante den e kompania i asina sigui krese a base di su logronan pa e kompania awor komo CEO di PMI.