WILLEMSTAD.- Awe den oranan di mardugá outoridatnan a keda dirigí riba e tereno di parker pega ku Denny’s restorant despues di a risibí informashon di un kaso di tiroteo ku a tuma lugá. Na e sitio a topa ku un hóben ku vários herida di bala na su kurpa. Inmediatamente a pidi presensia di paramedikonan di ambulans pa yega na e sitio pero lamentablemente na nan yegada ya no por a hasi nada mas paso e víktima a fayesé. Kuerpo Polisial no a emití un komunikado ofisial ainda pa duna di konosé identidat di e víktima. Pa un relato detayá di e suseso buska  e próksimo edishon di korant EXTRA