WILLEMSTAD.- EXTRA a kaba di risibí konfirmashon ofisial di parti bosero polisial sr. Imro Zwerwer ku un persona a keda asesiná den Penstraat. Zwerwer no por a duna muchu detaye di e kaso komo ku esaki a kaba di sosodé un ratu pasá. Loke ku si ta konosí ta ku e víktima a fayesé na e sitio mes debí na un kantidat di impakto di bala ku el a risibí. Identidat di e víktima no a keda divulgá te na e momentonan aki ya komo ku e investigashon ta andando. Keda pendiente pa mas informashon. For di e rumornan ku ta sirkulá na e sitio di e krímen, ta mustra ku tres hende hòmber ku kara tapá a drenta den kas di e víktima i sorprendé e víktima den su kamber ku tabata drumi riba kama i a likid’é den e posishon ku e tabata.