WILLEMSTAD.- Korsou ta konosé otro kaso di asesinato. Esaki den oranan lat di anochi kasi awe mardugá un hòmber a keda tira na un snek den Sta Maria. Na momentu ku sentral di polis a risibí e informashon, a manda diferente unidat polisial a bai na Californiaweg, banda di vèlt di Vesta pa un kaso di tiramentu. Na nan yegada a topa ku 2 persona ku herida di bala. Ambulans a transportá nan pa departamento di kuido intensivo na CMC, pero un ratu despues un di e víktima nan di tiramentu a fayesé. Segun informashon di personanan na e sitio ku EXTRA ta dispone di dje ta bisa ku e víktima lo  a bai intervení den un diskushon/pelea entre dos otro muhé. Un hòmber a saka arma i los bala riba dje i ku a kue otro mas tambe. Di polis mes no tin niun informashon ainda di e tiramentu aki.
EXTRA ta pendiente pa un komunikado ofisial di polis relashoná ku e kaso aki.

Update

Di polis a drenta e informashon ku e viktima ta Ruthson Lacrum nase na Korsou 5 ougustus 1978.  E viktima a bai purba interveni den un bringamentu i a haye den diskushon ku un homber kende a bai i pasa bek i basha bala . E viktima i un dama na e snek a risibi bala.

 

LAGA UN KOMENTARIO

Please enter your comment!
Please enter your name here